என்றும் மாறாதது

அன்பே உறவுகள் மாறி போகலாம்
உரிமைகள் விட்டு பறிபோகலாம்
கவலைகள் கூடி போகலாம்
உள்ளமும் வாடி போகலாம்

என்றும் மாறாதது ஒன்று மட்டுமே அது
உன்மீது நான் கொண்ட அன்பு மட்டுமே

சுழல்காற்றும் திசைமாறி போகலாம்
அலைகடலும் கறைமீறி போகலாம்
சந்திரனும் சுடர்விட்டு எரியலாம்
சூரியனும் சூடு தணிந்து போகலாம்

என்றும் மாறாதது ஒன்று மட்டுமே அது
உன்மீது நான் கொண்ட அன்பு மட்டுமே

நறுமணமும் நாறி போகலாம்
இணைந்த மணமும் இருதுருவமாகலாம்
உயர்ந்த நட்பும் உடைந்து போகலாம்
உயிர்கொடுத்தவளும் உதவாமல் போகலாம்

என்றும் மாறாதது ஒன்று மட்டுமே அது
உன்மீது நான் கொண்ட அன்பு மட்டுமே

மாற்றமும் மாறி போகலாம்
காதலும் கசந்து போகலாம்
கானல் நீரும் தாகம் தணிக்கலாம்
பகற்கனவும் பலித்து போகலாம்

என்றும் மாறாதது ஒன்று மட்டுமே அது
உன்மீது நான் கொண்ட அன்பு மட்டுமே

தருமமும் தவறி போகலாம்
சத்தியமும் சாய்ந்து போகலாம்
சாய்ந்த மரமும் துளிர் விடலாம்
கூறிய வாளும் குத்தாமல் போகலாம்

என்றும் மாறாதது ஒன்று மட்டுமே அது
உன்மீது நான் கொண்ட அன்பு மட்டுமே

என் உணர்வுகளும் உறைந்து போகலாம்
உடலும் மெலிந்து போகலாம்
நாடி நரம்பும் தளர்ந்து போகலாம்
உயிரும் உடலை விட்டு பிரிந்து போகலாம்

என்றும் மாறாதது ஒன்று மட்டுமே அது
உன்மீது நான் கொண்ட அன்பு மட்டுமே.

by,RAFA/haseem

Read More

காதல்

உறவுகளை உடைத்து,
உணர்வுகளை தகர்த்து,
உடமைகளை தொலைத்து,
உண்மைகளை மறுத்து,
உலகை மறந்து,
உயிர்மட்டும் விழித்திருப்பதுதான்,
காதல்!

 by,Rafa/kinniya

Read More

உண்மைக்காதல் காமத்துக்கு ஏங்காது ....!!!

நீண்ட நாளுக்கு பின் ... 
அவர்கள் இருவரும் .... 
சந்திக்கின்றனர் .....!!! 

தனிமையான இடம் .... 
இடையூறுகளும் .... 
எதுவுமில்லை .... 
நீண்டநாள் எதிர்பார்த்த ... 
சந்தர்ப்பம் -அவளும் ... 
ஆவலுடன் -இவனும் ... 
ஆவலுடன் காத்திருந்தனர்....!!! 

மாலைசூரியன் மறைகிறான் 
பறவைகளும் தம் இருப்பிடத்துக்கு 
செல்கின்றன 
பறவைகள் கூட ஜோடியாக 
தான் செல்கின்றன அந்த 
காட்சியை அவள் ஓரக்கண்ணால் 
பார்க்கிறாள் ...!!! 

இதமான நேரம் 
சுகமான பொழுது ...!!! 
அவன் நெருங்க 
அவள் விலக அழகான 
ஒரு ஊடல் ...!!! 

உண்மைக்காதல் காமத்துக்கு 
ஏங்காது ....!!! 
உன்னதமான ஒரு முத்தத்திற்கு 
ஏங்கியது .....!!!

Read More

அழகு என்பது.....

கொட்டுகின்ற மலையதனை பார்த்தல் அழகு 
குழந்தைகளின் சிரிப்பொலியை கேட்டல் அழகு 
வட்டஒளி நிலவுதன்னை ரசித்தல் அழகு 
வானவில்லின் ஏழுவகை நிறங்கள் அழகு 
கட்டழகு காதலியின் புன்னகை அழகு 
கனிஇதழின் உதட்டோர மச்சம் அழகு 
மொட்டவிழ்ந்து மலராகும் தருணம் அழகு 
முகிலேகும் மலைச்சிகரம் பார்த்தல் அழகு!! 

கட்டவிழ்ந்த் காட்டாற்று வெள்ளம் அழகு 
கரையைத் தொட முயலுகின்ற அலைகள் அழகு 
வெட்டவெளி வானந்தன்னை காணல் அழகு 


விளைந்தநெல் தலைசாயும் அழகே அழகு 
நட்டநடு இரவுதன்னின் இருளும் அழகு 
நண்பகலின் சூரியனின் வெப்பம் அழகு 
மெட்டுடனே ஒன்றாகும் பாடல் அழகு 
மின்மினிப் பூசிகளின் மென்மை அழகு!! 

தொட்டபொருள் பனியாகும் குளிரும் அழகு 
தொன்மைமிகு திருக்குறளின் வளமை அழகு 
நெட்டைநெடு மரங்களுள்ள வனங்கள் அழகு 
நெளிந்தோடும் ஆற்றுமணல் படுகை அழகு 
வீட்டுச்சுவர் மேலுலவும் பல்லி அழகு 
விடியற்காலை இருள்சேர்ந்த வெளிச்சம் அழகு 
காட்டியவை அத்தனையும் காட்சிப் படுத்தி 
கவிதையொன்று உருவானால் அதுவே அழகு!! 

Read More

...............ராணுவன்...............

உன்னைத் தெரியாதவன் ! 
உனக்காக உயிர்கொண்டவன் ! 
தன்மை மறந்தாலும், 
தன்னை இலக்காதவன் ! 
எல்லாம் நமக்காக, 
என்பவர் மத்தியிலே ! 
அன்னைத் திருநாடே, 
சொத்தென்று மாறியவன் ! 
எல்லைக் கடுங்குளிரில், 
தடயங்கள் தேடுபவன் ! 
தன்னை நினைக்காமல், 
மண்ணுக்காய் வாழுபவன் ! 
இன்னல் வந்ததென்றால், 
முன்னாலே ஓடுபவன் ! 
அங்கம் சிதைந்தாலும், 
அடுத்த அடி ஊனுபவன் ! 
அண்டை பயங்கரத்தார், 
அருகினிலே வாழுபவன் ! 
துப்பாக்கி தோட்டாக்கள், 
துணையுடனே ஆளுபவன் ! 
உடலைக் கருவியென, 
உழைப்பிற்குள் போடுபவன் ! 
உடனே வரும் அழைப்பு, 
என்றே கண் மூடுபவன் ! 
இவனின் துணையின்றி, 
அண்டங்கள் நிலைக்காது ! 
இவனின் தயவின்றி, 
எவ்வுயிரும் பிழைக்காது ! 
மனிதக் காவலனை, 
மதியென்றும் மறக்காது ! 
இவனே பெருங்கடவுள், 
எனும் உண்மை மரிக்காது !!

Read More

எப்படி எல்லாம் என்னை வளர்த்தாய் அம்மா...!!

எப்படி எல்லாம் 
என்னை வளர்த்தாய் அம்மா...!! 

முதல் கவிதை 
நான் எழுதி 
முதன் முதலாய் 
உனக்கு காண்பிக்க 
முத்தாக இருக்கு என்றாய்... 

மூக்குசளி ஒழுகும் 
உன் மகள் எனக்கு 
முந்தாணியில் நீ 
துடைத்துவிட்ட.... 
உன் முந்தாணி வாசம் 
என் கை குட்டையில் 
இல்லை அம்மா... 

மிட்டாய் வாங்க 
ரூபாய் கேட்டால் 
என்னை அலைகழித்து 
மசாலா பெட்டி திறந்து 
நீ கொடுத்த 
ஒற்றை நாணயத்தின் 
வாசமே தனி...அம்மா 

மறுநாள் நாணயம் 
இடம் மாறி 
"டீ" பொடி பெட்டியில் 
இடம் பிடித்தது..... 
அது வேறு செய்தி... 

என் பள்ளியில் 
மாறு வேடப்போட்டி 
நடக்க 
பாரதியின் வேடம் போட 
அப்பாவின் வேட்டி கட்டி.. 
அண்ணாவின் கருப்பு 
கோட்டை போட்டு விட்டாய்.. 
முழுமையடையாத 
குட்டி பாரதியை.. 
உன் கண் "மை" கொண்டு 
மீசை வரைந்தல்லவா 
முழுமையாக்கினாய் நீ...!!! 

களைப்பில் கல்லூரி முடித்து 
நான் வர 
பசிக்குதம்மா என்று 
நான் சொல்ல... 
பசி தாங்க மாட்டாள் 
பிள்ளை என்று 
பதறிப்போய் 
மொறு மொறுன்னு 
நீ சுட்ட தோசை 
ஐயோ ..அம்மா...!!!. 

நோய் நொடி வந்தபோதும் 
நொடிப் பொழுதும் 
நீ உறங்கவில்லை அம்மா..! 

அம்மை போட்டு 
நான் கிடக்க 
பத்தியம் இருந்த 
பத்தினி தாயே...! 

உன் மடியில் 
என் தலை சாய்த்து 
மஞ்சள் கரை படிந்த 
உன் கைகளால் 
தலை வருடிய 
உன் விரல்களை 
நான் தேடுறேன் அம்மா...! 

ஆத்திகம் நீ பேச 
நாத்திகம் நான் பேச.. 
குட்டி குட்டி 
பட்டி மன்றங்கள்.. 
தீர்ப்பு வழங்கும் 
நடுவரும் 
நீதானே அம்மா... !! 

கணவன் வீடு நான் செல்ல... 
குடும்ப கண்கள் 
அத்தனையும் 
கலங்கி நிற்க... 
" கலங்காதிரு மகளே "என்று 
கலங்காத கண்களோடு 
என்னை வழி அனுப்பி... 
திரும்பி நின்று 
உன் கண்ணீர் துடைத்த 
உன் முந்தாணி 
எனக்கு செய்தி சொன்னதம்மா...!! 
உன் தலையணை 
இன்னமும் எனக்கு 
சொல்கிறதம்மா...!!"

Read More

அம்மா

அன்று ஒருநாள் 

என் தோழி நளினி 

வீட்டுக்கு தோழமியுடன் 

போயிருந்த போது 

அவள் வீட்டில் இல்லை 

அலுவலுகம் போய் இருபதாக 

நடுத்தர வயது வேலைகாரி சொன்னாள் 

"கொஞ்ச நேரம் இருங்க அம்மா வந்துடுவாங்க" 

அங்கு காத்திருந்த கொஞ்ச நேரத்தில் 

நளினி குழந்தை யிடம் பேச முடிந்தது 

உன் பெயர் என்ன ? 

நான் கேட்க 

"கௌரி" என்று பதில் சொன்னது குழைந்தை 

"என்ன படிக்கிற ?" 

"எல் .கே. ஜி" 

எந்த பள்ளிகூடம் ? 

......குழந்தைக்கு புரியவில்லை தமிழ் 

உடனே நான் 

"எந்த ஸ்கூல்ல படிக்கிற ?". 

"ஆர். எஸ் .மெற்றிகுலெசன் ஸ்கூல்" 

"உங்க அம்மா பேரு என்ன ?" 

"அருக்காணி "பட்னு பதில் வர 

"என்ன உங்க அம்மா பேரு அருகாணியா?" 

அதற்குள் அங்கு தோழி நளினி வர 

"உங்க பெயர குழந்தை அருகாணின்னு சொல்லுது...?"என்று நான் கேட்க 

"குமார் அவ என்னை சொல்லல வீட்டு வேலைகாரி பெயர் சொல்றா ?" என்று தோழி சொல்ல 

"என்ன இது ?" நான் முழிக்க 

"ஆமா குமார் நான் மோர்னிங் 7 ஒ கிலோக் 
வழிகி போய் நைட் 8 ஒ கிலோக் வேலை முச்சிட்டு 
விரதால அவ என்னை அம்மான்னு கூபிடாம நளினி இன்னுதான் கூபிடுவா " என்றால் சலிப்புடன் 

அப்போது 

குழைந்தை "அம்மா டிபன் ரெடியா ? " என கேட்டவாறு சமையல் அறை பக்கம் ஓடியது... 

நிஜ அம்மாவை சட்டை செய்யாமல் 


எனக்கு கொஞ்சம் தலை கிறுகிறுத்தது

Read More

காதலியே ...

உதிரும் 
இலையாக ஊசலாடுகிறேன் 
மின்னலாய் மிளிரும் 
உன் பார்வைக்காக 

உன்கூந்தலை 
மீட்டிய பூந்தென்றல் அழகாய் 
சிறைபிடித்தது சுவாசத்தை 

உன்னை 
தூரத்தில் ரசிக்கும்போதேல்லாம் 
இதயத்தில் துளி துளிகளாய் 
கவிதை பிறக்கிறது ... 

என்விழிகளின் 
ஏமாற்றங்களுக்கு ஆறுதலாக இருக்கிறது 
என்னுயிர் பாதையில் - உன் 
பாதங்கள் எழுதிய கவிதைகள் ... 

சொல்லாத என்காதலை 
உன்நிழல் எடுத்துச் செல்லும்போதெல்லாம் 
புதுவித உணர்வை சந்திக்கிறது 
என்இதயம் ...

Read More

என்னை விட்டு விடுங்கள்

ஒரு பிச்சைக்காரனின் 
அழுக்குப் பாத்திரத்தில் 
சில்லறையை வீசி விட்டுப் போகும் 
சீமாட்டியைப் போலத்தான் 
என்னிடம் அவ்வப் போது 
பெருந்தன்மையும் 
சிறு கருணையும் காட்டினீர்கள் 

சமூகத்தின் மேலடுக்கு 
கீழடுக்கு பற்றிப் பேசிக் கொண்டே 
என் கால்களுக்கு 
கீழே பள்ளம் தோண்டினீர்கள் 
உங்கள் அறிவாளிச் சமூகத்தால் 
நான் தீண்டப் படாதவனாகவே 
இருந்து விட்டுப்போகிறேன் 
அது பற்றிய கவலை எனக்கில்லை இனி 

உங்கள் மூளையின் 
மூட்டு தேயுமட்டும் 
திண்ணையில் உட்கார்ந்து 
இந்த சமூகத்துக்கு 
சிந்தியுங்கள் 
சிந்தித்து சிந்தித்து 
நிந்தனை செய்யுங்கள் 

உழைத்துக் களைத்த 
உடல் வலி தீர 
எங்கள் மாலை நேரத்து 
மது மயக்கத்தின் 
சலம்பல்களுக்கு 
சற்றும் சளைத்ததல்ல 
உங்கள் இலக்கியப் புலம்பல்களும் 
போர்களும் அக்கப் போர்களும் 

நீங்கள் 
பாரதியாய் முண்டாசு கட்டிக் கொள்ள 
பாவி என் கோவணத்தை உருவாதீர்கள் 
உங்கள் சிரசின் மேல் 
மகுடம் ஜொலிக்கட்டும் 
என்னை விட்டு விடுங்கள் 

உங்கள் மூளையை நம்பி நான் இல்லை 
யாரை நம்பியும் நான் இல்லை 
உங்கள் அளவிற்கு எனக்கு 
சிந்தனை வளராவிட்டாலும் 
என் கைகளில் வலுவிருக்கிறது 
யாரை நம்பியும் நான் இல்லை 
ரேகைகள் தேய்ந்த 
என் கைகளைத் தவிர 

என் வாழ்வைப் படம் போட்டும் 
பாடலாக்கியும் 
இருந்த என் ஒட்டுத் துணியையும் 
அவிழ்த்துப் போட்ட 
நீங்கள் படைப்பாளியாய் 
இருந்து விட்டுப் போங்கள் 
உழைப்பாளியாய் இருப்பதில் 
இழிவொன்றுமில்லை எனக்கு..!

Read More

பெண் பிறந்தால் பேதலிக்கும் மனிதர்களே !

 

கவிஞர் இரா .இரவி ! 

பெண் பிறந்தால் 

பேதலிக்கும் மனிதர்களே! 

ம்ருமகள் கிடைக்காமல் 

மண்டியிடும் நாள் வரும் ! 

ஆட்டிற்குப் பெண்பிறந்தால் மகிழ்ச்சி ! 

மாட்டிற்குப் பெண்பிறந்தால் மகிழ்ச்சி ! 

கோழிக்குப் பெண்பிறந்தால் மகிழ்ச்சி ! 

பெண்ணிற்குப் பெண் பிறந்தால் ஏன் இகழ்ச்சி ? 

பெண்ணிற்கு முன்னுரிமை 

பேருந்தில் தந்தோம் ! 

திரையரங்கில் தந்தோம் ! 

இல்லத்தில் தந்தோமா ? 

இதயத்தில் தந்தோமா ? 

இல்லதரசிக்குத் தந்தோமா ? 

உணவு உண்பது உடை உடுப்பது 

உறக்கம் கொள்வது 

இருபாலருக்கும் பொது ! 

ஒழுக்கம் மட்டும் பெண்ணிற்கு மட்டும்தானா ? 

ஆணிற்கு வேண்டாமா ? 

பெண்ணுரிமை பற்றிப் 

பேசிவிட்டு வந்து 

எதிர்த்துப் பேசிய 

இல்லதரசியை எட்டி உதைக்கும் அவலம் .! 

பெண்ணுரிமை ஏட்டில் எழுத்தில் 

தந்தால் போதாது ! 

பெண்ணுரிமை நாட்டில் நடைமுறையில் 

வீட்டில் தர வேண்டும் !

Read More

ஒரு குழந்தையின் கதறல்

குப்பை தொட்டியில் இருந்து 
ஒரு குழந்தையின் கதறல் 

என்னை வேண்டாம் 
என்று நினைத்தவர்கள் 

ஆணுறையை உபயோகித்திருந்தால் 
அன்று ஆணுறை மட்டுமே 
குப்பையில் வீச பட்டிருக்கும் 

ஆனால் இன்று 
நானோ குப்பையில் 
பரிதவிக்கிறேனே

Read More

சில சமயம்.....

தொலைந்து போன
காகிதங்கள்
மீண்டும் கிடைத்தது போல்
மகிழ்ச்சி!

மனசு வெட்கப் படாமல்
சில சமயம்
தனக்குத் தானே
குளித்து கொள்ளும்..

ரகசியமாய்க் கனவை
அடைகாத்து வைத்து
குஞ்சு பொறிப்பது போல்
சில துளி நிகழ்வுகள்..

தங்காது எனத் தெரிந்தும்
தென்றலை சுகிக்கும் மனம்..

எதைக்
கட்டிப் போட முடியும்..
கட்டுப்படுகிறவை
தானாய் விரும்பாமல்...!

Read More

தாலாட்டு.....

 




பொன்னெடுத்து நிறமெழுதி
பூவெடுத்து மேனிசெதுக்கி
விழியில் கவியெழுதி
விரலில் ஒவியமெழுதி
நாளொரு மேனியும்
பொழுதொரு வண்ணமாய்
வளரணும் வளரணுமே!
ஆராரரோ! ஆரிராரோ!

அறிவுக்குச் சூரியனாய்
அழகுக்குச் சந்திரனாய்
பொறுமைக்கு பூமியாய்
புகழுக்குப் பிறந்தவளாய்
வறுமைக்கு வள்ளலாய்
வீரத்துக்கு விஜயனாய்
வளரணும் வளரணுமே!
ஆராரரோ! ஆரிராரோ!

Ƹ̵̡Ӝ̵̨̄Ʒ•●♥♥HASEEM♥♥●•Ƹ̵̡Ӝ̵̨̄Ʒ

Read More

தமிழா தமிழில் பேசு....

 

 

கடல்கடந்து திரவியங்கள் தேட - நீ
கடல்கடந்து செல்வதெல்லாம் சரியே;
உடல்சுமந்து உனையீன்ற தாயை - நீ
உணர்விழந்து மறப்பதுதான் முறையோ?

தாயை மறப்பதுவும் சரியோ? - அன்னை
தமிழை மறப்பதுவுன் நிலையோ?
பேச இனியமொழி தமிழ்தான்! - அதனைப்
பேசிப் பழகிவிடு தமிழா!

அகத்தியனார் தந்தமொழி தமிழாம் - இச்
சகத்தினிலே சிறந்தமொழி அதுவாம்;
அகத்தினிலே தவழவிடு தமிழை! - அதுதரும்
சுகத்தினிலே திளைத்துவிடு தமிழா!

நாட்டில் பலமொழிகள் இருக்கு - அதிலேநம்
தமிழுக்கே தனிப்பெரும் சிறப்பு!
வீட்டில் தமிழ்பேசு தமிழா! - நீ
விரும்பித் தமிழ்பேசு தமிழா!

மூத்த மொழியென்று சொல்வார் - அதனைநம்
வீட்டு மொழியாக்கிக் கொள்வோம்;
மூத்த குடிமக்களோடு நாம்
தமிழில் உரையாடி மகிழ்வோம்!

தமிழை அமுதென்று சொன்னார் - நீ
தமிழைப் படித்துப்பார் புரியும்!
தமிழெங்கள் உயிரென்றும் சொன்னார் - தாசன்
கவிதை படித்துப்பார் தெரியும்!

வார்த்தை வளமிகுந்த தமிழை - நாம்
வழக்கப் படுத்திக்கொள்ள வேண்டும்!
வழக்கம் மாற்றிக்கொண்டால் - சொற்கள்
வழக் கொழிந்து போகும்!

,Ƹ̵̡Ӝ̵̨̄Ʒ•●♥♥HASEEM♥♥●•Ƹ̵̡Ӝ̵̨̄Ʒ 

Read More

மழலை மழை

காற்றோடு சிறு நடனம்
காணும் விழியோடு அது வருடும்
நொடி தோறும் புது ஜனனம்
அட மழையே...
உனக்கில்லை ஒரு போதும் ஒரு மரணம்

நெஞ்சுக்குள் பூ விதைக்கும்
பஞ்சாக நினைவிருக்கும்
உணர்வெல்லாம் கதகதக்கும்
உயிருக்கும் கிறுகிறுக்கும்

ஜன்னல் தொட்ட சாரல் மழை
வண்ணம் கொட்டி சொல்லும் விடை
எண்ணம் தாண்ட சொன்ன கலை
அது இடுப்பசைக்கும் மழலை மழை

Read More

மடல்

ஆயிரம்தான் அலைபேசியில்
கடல் என பேசினாலும்
நச் என நாலுவரிகளில்
எழுதும் மடல்
போல் ஆகுமா?

காதல் மனைவி
கடவுள் பரிசாய்
மகள் என
எல்லோரையும் பிரிந்து
வெளிநாட்டில் வேலை
செய்யும் நான்

அன்றாட நிகழ்வுகளை
அலைபேசியில் தெரிந்துக்கொண்டாலும்
காதல் என
வந்துவிட்டால் மடல்கள்
வரைவது வழக்கம்

நண்பர்கள் யாரேனும்
விடுமுறைக்கு சென்றால்
என்னவர்களுக்கு பரிசுப்பொருட்களோடு
மடல்களையும் இணைத்து
வழங்குவது வழக்கம்

எடுத்து காட்டாக

மனைவிக்கு தங்கத்தில்
நகை ஏதேனும்
வாங்கினால் அதை
அழகான பெட்டியில்
அடைத்து அதோடு
மடலையும் வைப்பேன்

இந்த தங்கத்திற்கு
நீண்ட நாள்
ஏக்கமாம் எனக்காய்
உன்னிடம் தூது
சென்று உன்
மிளிரும் அங்கத்தில்
தொங்கிட

இந்த மடல்
என்னவளை அடைந்த
மறுகணம்,எண்ணிலடங்கா
முத்தங்களும் ஆயிரமாயிரம்
ஐய் லவ் யு-வும்
அலைபேசியில் வந்து
குவியும் என்
காதல் மிளிரும்

வருடம் கழித்து
விடுமுறைக்கு சென்றால்
என்னவளின் தலையனைக்கு
கீழே அன்பில்
நசுங்கி கசங்கி
சிரித்து கொண்டிருக்கும்
நான் கிறுக்கிய
சிறு மடல்கள்

தூரமோ,நேரமோ
உண்மை காதல்
அழிவதில்லை அது
மென்மேலும் மெருகேற
தகதகவென மின்ன
மடல்கள் வரைவோம்

அலைபேசி நம்
வைரமுத்துவின் கவிதைகள்
போன்றது எனில்

மடல்களோ ஒப்பற்ற
தெய்வப்புதல்வனின் திருக்குறள்கள்
போன்றது என்பேன்

மடல்கள் வரைவோம்
மணங்களை வெல்வோம்

யதார்த்த வாழ்க்கையே
சிறந்த கவிதைகள்

Read More

கண்ணீர்

தினந்தோறும் ...
நான் மட்டும் "நனைந்து
கொண்டு இருக்கிறேன் -மழையில்"
கார்த்திகை மாதமில்லை ...
காரிருள் மேகமில்லை ...
எப்படி -இவ்வாறு
நனைகின்றேன் -தினம்
நீர் துளிகளை கேட்டால்..
அவை சொன்னது -"இது மழை துளி அல்ல
உனது கண்ணீர் துளி என்று "

Read More

விடுகதையா இந்த காதல்

நெஞ்சினிலே நெருப்பு எரிகிறது -அதை
அணைக்க என் கண்கள் தேடுகிறது
பூவா தலையா விடுதலையா
இரெண்டும் இல்லாத விடுகதையா
எங்கே என்று தேடுவதா
தேடிசென்றாலும் கிடைக்கலிய
மண்ணில் இருந்து வின் வரைக்கும்
பெண்ணில் இருந்து போன்வரைகும்
இன்னும் எதையோ தேதுகின்றேனே
அந்த பெண்ணே அதை அறிவாயோ
உனக்காக நான் காத்திருபேன்
ஆனால் நீ என்னை மறந்தால்
நான் உனக்காக என்றும் என்றென்றும் எப்பொழுதும் உனக்காக நான் காத்திருப்பேன்.!!!

Read More

விரல் நுனி விஷங்கள்....

விரல் நடுவே புரளும்
புகைச் சுருட்டால்
மூச்சுத்திணறும்
ஆக்சிஜன்..
.............................................
சில்லறைக்கான எழுத்துக்களில்
தாய்மொழியின்
சொல்சிதைவு .
.....................................................
காரியங்களுக்காக
பெறப்படும்
காந்தியை நசுக்கிய
கை மடிப்புகள் .
......................................................
விவாக பந்தங்களில்
விலைபேசப்பட்டவன்
விரல்களிட்ட முடிச்சுகள்.
.....................................................
மையில்
பொய் சுமக்கும்
குற்றப்பதிவுகள்.
.......................................
நிராகரிக்கப் படும்
கருணை மனுக்களில்
இரக்கம் தொலைத்த
ஒப்பங்கள் .
.......................................
பணத்திற்காக
சிந்தனை தொலைத்து
விரல்நுனியில்
பதித்துக்கொண்ட
ஜனநாயக கரும்புள்ளிகள்
..........................................
விரல் நுனி விஷங்கள்....

Read More

மனித நேயம் .....!

"கை கொடு
மனமே
கை கொடு ...!
உன்
மாற்றத்திற்காக அல்ல ...!
உன்னில் பிறந்த .....
உண்மையான .....
மனிதநேய
தோற்றத்திற்காக .....!

Read More

நாள்காட்டி

இலவசமாக கிடைத்ததும் 

வாங்கி வந்தேன் ...... 

நீ மிகவும் 

புதுமையான நாவல் .... 

ஒவ்வொரு பக்கத்திலும் 

ஒரு சிறப்பு தான் ..... 

என் முதல் பார்வையும் 

உன் மேல் தான் ...... 

உன் அறிவு மொழிகளை 

தினமும் படிக்கிறேன் ...... 

கடந்து வந்த பாதையை 

நினைவுட்டுகிறாய்.......... 

என் வாழ்வில் நீங்க இடம் பெறுகிறாய் ................

Read More

மனசாட்சி .....!

புத்தக சிறையில் புதைந்த
என் புதுமைகள் எங்கே ....?
வெற்றியை தொட்டுவிடும் முன் ....
தட்டிப் பறித்தது யார்...?
பயணங்கள் மட்டும் ....,
பயணிக்கிறது மனக்கூட்டில் ....!
நான் மட்டும் எங்கே ....?

Read More

காதலித்துப்பார் ............!

என் காதலனே ....! 

உண்மையைச் சொல்லவா ....? 

இல்லை ...., 

என்னுள் மறைத்த 

பொய்யான மெய்யை சொல்லவா .....? 

தினந்தோறும் பேசிக்கொண்டோம் ...! 

ஒரு நாள் உன் வார்த்தையை 

கேட்காவிட்டாலும் ..,ஐயோ .... என்று 

தனியறையில் 

என் தலையணை கண்ணீரோடு ..., 

கரைந்து விடுகிறேன்....! 

யோசித்து பார்த்தேன் ......, 

ஏக்கத்தில் கரைந்தது ..., 

உயிரா ....? உள்ளமா...? என்று ....! 

உயிரும் உள்ளமும் 

மாற்றி மாற்றி சண்டையிட்டன ...! 

உன் நினைவுகளோடு தான் 

வாழ்கிறோம் என்பதை மறந்து ....! 

நன் மட்டும் இங்கிருக்க ......, 

என் நினைவுகள் என்னை மறந்து ...., 

எங்கோ உனக்குள் இருக்கும் ...., 

என்னைத் தேடி சுற்றுகிறது .......! 

நானோ என்னை மறந்து 

சிரித்தேன் "பைத்தியம்" 

என்ற பட்டத்தோடு .....! 

காதல் புனிதமானது....! 

அதில் காமம் கலக்காது 

என்று கேள்விப்பட்டிருப்போம்......., 

உண்மையை சொன்னால் ....., 

அது காதலை நேசிக்காதவர்கள் மட்டும் 

சொல்லிச் செல்லும் வெட்டித்தனம் ......! 

ஏனேன்றால் ....., 

காதலே காமம் தான்....! 

இதில் அதற்கு மட்டும் 

ஏன் தனிப்பதிவேடு .....! 

என்னவனின் நினைவுகளோடு ........ 

என் உணர்வுகள் உரசி கொள்ளும் போது .... 

என் நெஞ்சம் பஞ்சாய் 

பற்றிச் செல்லும் ........, 

இதுவும் ஒரு வகை 

ஊடல் கலந்த காமம் தானே ....! 

காதலித்துப்பார் புரியும் ......!

Read More

“நினைவெல்லாம் நீயாக.....”

கருப்பு போர்த்திய கடல் மேலே..,
இருப்பு கொள்ளா மனதோடே..
அலுப்பு தீர பாட்டு- அதை
ஏந்தி அவளிடம் செல்லாதோ காற்று;
நீர் மேலே நில்லாத படகுபோல
நினைவெல்லாம் அவள் தள்ளாட
நிர்கதியாய் நான் கடல்மேலே....,

கண்ணாலே தூண்டில் போட்டு
காதலிலே காய போட்டு
காவலுக்கு  நில்லாமல் போனவளே.....!

உன் விழி பின்பம் கண்டு
உண்மையில் மீன் என்று
வலை போட்டதுண்டு;
அலையில் நுரையெல்லாம் பூவாய் தோன்ற
அள்ளி கொண்டை ஏற்ற
அலையோடு அலைந்ததுணடு;
உண்ணத் தொடுகையில்
விரல் நிற்க்கும் முறண்டு
அது தொப்புழ் குழியோரம்
சுகமாய் நடைபோடும் நண்டு;

என்னடி........,
என் மாமன் பெத்த வாளையே....
சொல்லடி...,
இதெல்லாம் உண்மை தானா....?!

உங்கப்பனுக்கு குழம்பு வைக்க
நீ வாங்கி போன மீனுயெல்லாம்
எடுத்து நீயும் போடயிலே....!
கருவாடா போனது ஏனடியோ.......?!.

ஏக்கத்தில் நீ பெருமூச்சேதும் விட்டாயா....!!?.


இழுத்து நானும் பிடிக்கையிலே...
இடிச்சி நழுவி போறவளே....
கக்கத்துல வச்ச கருவாட்டு கூடையா....
ஏக்கத்துல நிக்கும் எம்மனசும்
அங்க இங்க ஆசையாதடவ பாக்குதடி;

தண்ணியில விழுந்து நீ எழுந்த போது
மேலோடி கீழோடி;
முன்னாகி பின்னாகி;
கொப்பறை தேங்காய் ஈரிரண்டு
தொப்பரையாய் நனைந்து போனதடி
அப்புறம் ஆசையாய் மனமும்
காச்சலில் நனைந்து காயிதடி..;

சிப்பி உதடு சேர்த்து கோர்த்து
நத்தை நகை போட்டு
நீ நடக்கையீலே.......
கடலாத்தா கரைவந்ததா நெனச்சி
பாடி சனமெல்லாம் பணிஞ்சிவணங்குமடி...;

இத்தனை அழகா எங்கத்த
எப்படி செஞ்சா உன்ன கருவினிலே....!!
தேவதையேல்லாம் ஒன்னு கூடி
பொறந்து வந்ததோ உன் உருவினிலே.....!!.

தென்ன மரத்துல நெஞ்சி சாச்சி
என்ன மனசுல நெனச்சி விம்மி
தேங்காய் சரிய
ஏங்காய் என் உயிரே...;
தேடி வரும் வரை
கண்விழித்து தூங்காய்

இன் உயிரே.....;

கும்மியிருட்டுக்குள்ளே....
குட்டி விளக்கோடு

ஆசையாய் இருவரும்
ஆடைகளை இழந்து
வெடகம் வீசி பிடித்து
முத்தம் ஆக்கி தின்போமா....!!?

ஏறாமல் இளநீர் பரித்து
சீவாமல் நான் குடித்து
நோகாமல் நீ வளைந்து
படகோடு துடுப்போட்டி
பக்குவமாய் பயணம்
பலநாள் போவோமா......!!!?

கெலுத்தியின் கடவாய் மீசை
வாளையின் வழுக்கேன்ற கழுத்தில்
ஆமையின் அசைவாய் ஓட
சிப்பியெல்லாம் சிதரியதாக ஓசை
உதட்டுக்கு உப்பிட்டு கேட்போமா......!!

நடு ராத்திரியில்
நாலாபுர தண்ணிரில்
சுறா குதிக்கவும் நடுங்கும் குளிரில்
நினைவுகளில் நீ தான்
நெருப்புக்குவியல் பக்கமாய்
இதமூட்டுக்றாய்......;.

ஆள் இல்லா கரையில்
அலைவந்து சொன்ன கதைகேட்டு
ஆசையாய் நீ ரசிக்க;

நான் மட்டும் நடுக்கடலில்
தவிக்கிறேன்  தன்னந்தனியாக;
உன் நினைவுகள் உள்ளுக்கு சுகமாக;
என் நினைவெல்லாம் நீயாக...;.
By haseem

Read More

எப்படி கவிதை எழுதுகிறாய் ..?

தினமும் கவிதையா எழுதுறியே..
இதெல்லாம் நீயா எழுதுறியா...
இல்லை எதையும் பார்த்துஎழுதுகிறாயா ...?
யாருடைய கவிதையையும் திருடுகிறாயா ..?
காப்பி அடிக்கிறியா என்றெல்லாம் கேட்டாள் ..?
நீ சொன்ன அனைத்தும் உண்மை ...!
பார்த்து எழுதுகிறேன்
உன்னை திருடி எழுதுகிறேன்
உன்னை காப்பி அடிக்கிறேன் -உன்னை..
ஆனால் ஒன்று கேட்கவில்லை நீ ..?
எப்போது கவிதை எழுதுவாய் என்று ..?
எப்போது நிறுத்துவாய் என்று ...?
 நீ வந்தால் எழுதுவேன் ...!
 நீ வராவிட்டால் நிறுத்துவேன் ...!

Read More

அவள் மட்டும் தான்

உன் மார்போடு நான் கண்ட நெருக்கம்....
என் மரணம் வரையிலும் இருக்கும்....!

உன் மடி மீது நான் கொண்ட உறக்கம்....
எந்த மெத்தைகளில் இனி பிறக்கும்.....?

உன் கை வழி நான் உண்ட அமுதம்...
இந்த கடைகள் எங்கனம் அளிக்கும்...?

அடித்தாலும் அணைக்கும் பாசம்...
உனையன்றி யார் தர முயலும்...?

விலையில்லா உனது நேசம்...
எவ்வுறவால் நிரப்ப இயலும்.....?

என் ஆதி முதல் அந்தம் வரை உன் அன்பின் வாசம்........
வாடாத மலராய் என் வாழ்வில் வீசும்........!

இனி ஒரு முறை இவ்வுலகில் நாம் பிறந்தால்....
உனை கைகளில் ஏந்தும் தாயாக நானாக வேண்டும்.....!

Read More

வர வேண்டாம் இங்கு

*****.......வர வேண்டாம் இங்கு ......***** 

கண்ணீர்
காவியம் - எழுதின
கண்கள்
விடுதியின்
விதியில்

வினாடிகள் கூட
நனைந்தன
விழி வரைந்த
விதியால்

புதிய மொட்டொன்று
சிலிர்த்தெழுந்த
மறு கணமே
ஈசலாகிப்போன
மாயம் - தான்
என் வாழ்வு

குடம்பியாய்
வாழ்ந்த
காலமெல்லாம்
பறக்கவென ஆசைப்பட்டேன்
கண்களை மூடிக்கொண்டு

சிறகு முளைத்து
விரித்தவுடன்
சிக்கிக் கொண்டது - விழி திறந்த போது
நிஜம் தெளிந்தது
சிறைக்குள் அடைக்கப்பட்டதாய்

அடுத்துள்ள சந்ததிக்கோர்
அன்பான வேண்டு கோள்
வர வேண்டாம் இங்கு ........................

Read More

கண்ணீர் மழையாய்

 கண்ணீர் மழையாய் 

நீர் ஆறாண்டு
கொண்டாடி
முடித்துவிட்டது
என்றெண்ணி ????
புத்தாண்டாய்
புது ஆடை பூண்டு
கொண்டாடிய போது!!
வெள்ளாண்டாய்
வேடன் கொண்டு
விளையாடி மகிழ்கிறது
தண்ணீர் மழையாய் ......

முத்தள்ளித்தந்த
தண்ணி - எம்மை
தத்தளிக்க வைத்ததை
எண்ணி - ஏதோ
மறந்தும் மறவாமலும்
மன்னித்து விட்டு விட்டோம்
அது குத்தமாய் இருந்தாலும்
எம்மை மொத்தமாய் அல்லவா
நனைத்து விட்டது கண்ணீர் மழையாய் ............

Read More

உன்னோடு ஒரு நிமிடம்

உன்னோடு ஒரு நிமிடம் 

பிரிவுகளையே - அதிகம்
புரிந்து பழகிய
என் இதயத்திற்கு
ஏனோ ?
உன் உறவுகளை
இன்னும் ஏற்க
தெரியவில்லை ....

ஒதுக்க நினைக்கிறேன்
என் வாழ்வை ஒரு புறம்
எதுக்கு அழைக்கிறாய்
மீண்டும் ஒரு சாவுக்கு மறு கணம்

ஜனனம் மரணம் இரண்டையும்
இன்பம் துன்பம் இரண்டிலும்
இரண்டற பிசைந்து உண்டு விட்டேன்
இன்று வேறேதும் என்னிடம்
மீதம் இல்லை
இத்துப்போன இவ்வுடலைத்தவிர
ஆனாலும்
ஒரு சில
உயிர் துடிப்புகள் கேட்க்கிறது
உன்னோடு ஒரு சில நிமிடம்

Read More

அவனுக்கென்ன ....????

அவனுக்கென்ன ....???? 

நினைவுகள்
எல்லாம் - என்னிடம்
நனைந்த படிதான்
வைக்கப்பட்டுள்ளது .......

இன்னும்
கோபங்களாய்
தியாகங்கலாய் - பலர்
கோபங்களால்
சாபங்களாய் - மூடித்தான்
வைக்கப்பட்டுள்ளது ...


அவை பூட்டப்பட்டது
மர்மங்களுக்குள்
அல்ல ........என்


மனதுக்குள் எத்தனை ஆயிரம்
சிந்து பாத்கள்
சிந்தித்துப் பார்த்தாலும் !!!!
கிடைக்காது
விடையோ ?
விடுதலையோ?

சோகத்தின் விளிம்பில்
தான் - நான்
என எண்ண ???
வேண்டாம் ..

நான் சோகப்பாதையில்
இன்று தான்
துவக்க விழா
கொண்டாடி உள்ளேன்.....

அதனால்
இடையிலும் இல்லை !!
முடிவிலும் இல்லை !!
மீண்டும் மீண்டும்
தப்புக்கணக்கு
போட வேண்டாம் ??

இறைவன் உங்களுக்கு
மேலான கணக்குப் பிள்ளை
எழுதி விட்டு விட்டான்
தலையில் சுமந்து
தத்தளிப்பது நான் தானே
அவனுக்கென்ன ???????

Read More

ஈசலாகிப்போன என் வாழ்வு

ஈசலாகிப்போன என் வாழ்வு 

குடம்பியாய்
இருந்த காலமெல்லாம் ???
கூண்டுக்குள் கைதி - என ....!!


வெளிச் செல்லும்
நாளை !
எதிர் பார்த்து
காத்திருந்தேன் ......?????


சிறகும்
முளைத்தது ?!
ஆனால் மறுநாள்
உயிர் பிரிந்தது !!!!?
உடல் மட்டுமே பறந்தது !!....
காற்றில்....?????.....

Read More

நீரில் என் நிஜங்கள்

நீரில் என் நிஜங்கள் 

இப்போதெல்லாம்
தண்ணீர் - எனக்கு
புதுப் புது
அர்த்தங்களை புகட்டுகிறது
ஒவ்வொரு துளியின்
ஆரம்பத்திலும் ....

அள்ளி வீசும் வானம்
வள்ளலாய் - அவை
சிலவேளை
வானவில்லாய்
அன்பென மாறும்
சில வேளை
வாழ்வெனும் வில்லில்
அம்பென மாறும்

இன்னும் இந்த நீர்
வானம் பொழியும் தண்ணீராய்
மட்டும் நின்று விடாமல்
பலர் வாழ்வை கண்ணீராய்
அல்லவா நிரப்புகிறது

ஆரம்ப மின்னல் கொஞ்சம் வாழ்வில்
ஒளியை அள்ளித் தெறித்தாலும்
பின் வீழ்ந்த துளிகள் விதையானது
மண்ணில் - ஆனால் இவை
அத்திவாரமிட்டிருப்பது இன்பத்திற்க்காகவா ?
துன்பத்திற்க்காகவா ?எனும் புதிருக்கு
விடை புரியாது குழம்பிப் போனது
மனம் எனும் குப்பைகளால் நிரப்பப் பெற்ற
குட்டைகள்

இதமான இளம் தென்றல்
எதற்காகவென ஆராயாமலேயே
அதனை சுகமாக சுவாசித்தது
ஜீவன்.....
பின்னால் அதுவே சூறாவளி
என்பது தெரியாமலேயே - தெரிந்திருந்தால்
முன்பே
மூச்சை அடக்கியிருக்குமோ ? இல்லை
மூச்சு அடங்கி இருக்குமோ
என்னவோ

சில விநாடிகளுக்கெல்லாம் - இடியென
உருமாறியது என் இன்பங்கள்
அடையாளம் தெரியாமலேயே !
புரியாத புதிராகவே இருந்தது
வேகமாக வீசிய புயலும் அதுவரை ......

சோவெனப் பொழிந்தது - தண்ணீர்
மழையாய் வானில் - கண்ணீர்
துளியாய் வாழ்வில்

வெள்ளத்தில் அடித்துச் செல்லப் பட்ட பின்
எஞ்சி இருக்கும் பிணங்களின் ஓலமாகவே
என் வாழ்க்கை என்பதை மனம் எற்றுக் கொண்டது
இந்த மழையாலே

இப்போதெல்லாம் மழை
எனக்கு
புதுப்புது அர்த்தங்களை புகட்டுகிறது
ஒவ்வொரு துளியின் ஆரம்பத்திலும்

Read More

மோதுவேன் ...!

என்னிடம் மோதி தோற்றவர்கள் ..
எல்லோரும் என்னை மோதல் காரணாகவே..
பார்க்கிறார்களே தவிர தோற்றதற்கான காரணத்தை
கண்டறியிரார்கள் இல்லை -கண்டறியும் வரை நான் மோதிக்கொண்டே இருப்பேன் -காரணம் நான் வளரவேண்டியுள்ளது .....!

Read More

இதயமாக

இதயமாக 

உன் அன்பான
நட்பை என்றும்
நான் இதயமாக
வைத்திருப்பேன்
உன்னோடு பழகிய
நாட்கள் அனைத்தும்
நன்மை ..பயக்கும்
செயலாக இருந்தது
என்றும் நட்பின்
நினைவுகளுடன்

Read More

நாம் யார்?

நாம் யார்? 

பிறப்பதற்கு முன் என்ன நடந்தது
தெரியாது...
இறந்த பின் என்ன நடக்கும் என்பதும்
தெரியாது...

பிறந்து இறப்பதற்குள்
எத்தனை எத்தனை உறவுகள்
எத்தனை எத்தனை மதங்கள்
எத்தனை எத்தனை சாதிகள்
எத்தனை எத்தனை இனங்கள்
எத்தனை எத்தனை மொழிகள்

மனிதனின் காலம் என்னமோ
நூறாண்டுக்கு சற்று அதிகம்தான்
மாதத்தில் பார்த்தால் ஆயிரத்தி இருநூறு _ அதற்குள்
எத்தனை இன்ப துன்பங்கள், சண்டைச் சச்சரவுகள்...

பிறந்து இறப்பதற்கு பெயர்தான்
வாழ்க்கை!

Read More

வரதட்சணை

வரதட்சணை 

வாழ்க்கை தோட்டத்தில்
பூக்கும்
மலர்க்கு
வாடகையா!

வாழ்க்கை முழுதும்
வாசம் பரப்பும்
மலரென்ன
உனக்கு சுமையா !

இன்ப துன்பங்கள்
பண்படுத்திய
வாழ்க்கை அல்லவா
இல்லறம்!

ஈருடல் ஓர் உயிராய்
உறவாட -பிறர்
ஈந்திட வேண்டுமா
பணம்!

ஈட்டிட இயலா
செல்வமென்றா -பிறர்
ஈந்திட கேட்கிறாய்
வரதட்சணை !

இழி தொழில் செய்து
பொருள் ஈட்டும்
பெண்டிர் விலைமாது
என்றால்...

இல்லறம் காண
இவ்வளவு என
இயம்பிடும் மணமகன்
விபச்சாரன் அல்லவா !

Read More

Anbulla Thozhi: 

நான் விலகிச் செல்லும் போதெல்லாம்
துரத்தி வந்தாய் அது யார் குற்றம்?
நான் விருப்பம் சொல்லும் நேரத்தில்
என்னை மறக்க சொல்வது பெருங்குற்றம்....!

Read More

மீண்டும் உன் மீள் வருகை காண ..

மீண்டும் உன் மீள் வருகை காண .. 

காலையின் விடியல்
என்
கதவை தட்டியதாய்
உணர்ந்தேன்
தூக்கங்களை
போர்வைக்குள் மூட்டைகட்டிவிட்டு
எழுந்து சென்று
கண்களை கசக்கி
கதவைத் திறந்தேன்
வானம் என் முன்
வடிந்த வாறு நின்றிருந்தது

இன்னும் நிலவு
இரவின் மடியில்
இனிமை கீதம் பாடி
உல்லாசமாய்
ஊர்வலம் வந்ததை
உணர்த்தியது சில்லுச்
சில்லாய் சிதறிக் கிடந்த
பனித் துளிகள்

சிதறிய நிலவுக்கு
பாய் விரித்திருந்தது
நீண்டு வளர்ந்த புற் தரைகள்
இரவுக்குள் இமை தழுவி இருந்தது
இன்னும் அந்த
நிலாக் காலங்கள்

மீண்டும் உன் மீள் வருகை
காண
நாளும் நான் பார்த்திருக்கிறேன்
நீ வருவாயென காத்திருக்கிறேன்

உன் பாதம் பட்ட மறு கணம்
என் வானமும் - இருள்
விலக்கி ஒளி துலக்கும்
என பார்த்திருக்கிறேன்
அந்த நாளுக்காய்
காத்திருக்கிறேன்

அன்றேனும்
என் தேசம் எல்லாம்
வாசம் கொள்ளும்
அன்றேனும்
என் பூக்கள் எல்லாம்
புன்னகைக்கும்

அன்றேனும்
என் இரவுகள் நிலவுடன்
விழித்திருக்கும்
அன்றேனும்
நான் எனும் நான்
நீயாய் இருப்பேன்

துடித்துக் கொண்டிருக்கின்றன
என் இமைகள்
விழித்துக் கொண்டிருக்கின்றன
என் விழிகள்
மீண்டும் உன்
மீள் வருகை காண .......

Read More

நான் இல்லை என்றாலும் என் சொல்லிருக்கும்

நான் இல்லை என்றாலும் என் சொல்லிருக்கும். 

விவசாயியின் வியர்வையில் – இந்த
தேசத்தின் குருதிப் பாய்கிறது!
விவசாயி எழுந்தப் பின்தான்
சூரியனே விழிக்கிறது!!
விவசாயி உழைப்பின் இரத்தச் சொட்டுகள் தான்
வானம் மாரியாக பொழிகிறது.
யார் அறிவார் இதை....

நெஞ்சமில்லாத கள்வர்கள் பலர்
தூக்கி மிதிக்கிறார்கள் ஏழை என்று
ஏரின் கீறல்தான் ஆறு – அவர்
மண்வெட்டியால் ஓங்கி வெட்டிய குழிதான் ஏரி
யார் அறிவார் இதை....

பூமியின்
பூ பாதங்களில் பித்த வெடிப்பு
துடிதுடிக்கும் விவசாயியின் இதயம்!
யார் அறிவார் இதை....

பாழ் மனிதா!
காட்டை வெட்டி, விவசாயத்தை அழித்து
கட்டிடம் கட்டுகிறாய் உனக்கு பின்
கட்டிடமும் கல்லும்தான் மிச்சமிருக்கும் காலம்
வெகுதூரமில்லை ....!
உண்ண உணவின்றி மீண்டும் இடிப்பாய் !
கட்டிடத்தை இடித்து விவசாயம் செய்யும்
காலம் வரும் ! மனிதா காலம் வரும்!!
அன்று....
நான் இல்லை என்றாலும் என் சொல்லிருக்கும்.

Read More

ஒ மா மனிதா

ஒ மா மனிதா....! 

பூவனமும் பூத்து குலுங்க
மாவனமும் காய்த்து கணிக்க
மானினமும் மிரண்டு ஓட
கானகமும் காய்ந்து கிடக்க
இம் மனிதரினம் மட்டுமே
மற்ற இனங்களை ஏமாற்றி
மா மனிதனாக காட்சி அளிக்கிறான் ...

Read More

வகர வரிசை

வகர வரிசை .... 

வரம் தரும் இறைவனையும்
வாணிகம் செய்யும் மானிடா !
விதைத்த வினை நீ விண்ணுலகம் சென்றாலும்
வீறு நடை போட்டு வரும் ...
வரவும் செலவும் வந்து போய்
வலுவூட்டும் வாழ்க்கையடா !
வெகுளியாக நீ இருந்தால்
வேட்டையாடும் உலகமடா !
வையத்துள் வாழ்வாங்கு வாழ
ஒவ்வொரு மனிதனும்
ஒவ்வோர் நிலைதனிலும்
வௌவால் மாதிரி தொங்காமல்
தொண்டுள்ளம் கொண்டு
தூய்மையாக வாழவேண்டும் ....

Read More

தந்துவிடு

தந்துவிடு ......

மீண்டும் உன் நினைவில்
மீள்கிறேன் - உன்னிடமே
மீண்டவாய்

மாட்டிக் கொண்டேன் தெரிந்துதான்
அவஸ்தை - ஆனாலும்
வழி தெரியும் வெளியேற
எதையும் தொலைத்தவனாய்
திரும்ப விருப்பமில்லை - ஆகவே
திரும்பத் தந்துவிடு
என் இதயத்தை

முகம் முழுக்க முகமூடி
மாட்டிக் கொண்டே அலைகிறாய்
இன்னும் ஏனடி இதயத்தை
பூட்டிக்க் கொண்டே திரிகிறாய்

உடைத்தெரிந்துவிட்டாய் - என்
உணர்வுகளை - என்று - இன்று
ஊர்ஜிதமாகியது எனக்கு - எனவே
எஞ்சி இருக்கும் என் இதயத்தை தந்துவிடு
கைவிட நான் தயாரில்லை
திரும்பக் கேட்ப்பதால் ஒன்றும் கஞ்சனுமில்லை

விளைவு எனும் அறுவடை
நிலத்தில் நின்று கொண்டு -இல்லை இல்லை
வியப்பின் அவல நிலையில்நின்று கொண்டிருக்கிறேன்
விதைத்தவன் நானில்லை - உன்
விளைச்சலால் விற்கப்பட்டவன் .

Read More

உன்னோடு நான் இருந்த

உன்னோடு நான் இருந்த ஒவ்வொரு மணித்துளியும்... 

கையும் காலும் மரப்பது போல
மனசும் மரத்துப் போச்சா?
ஏழையை உலகம் மறப்பது போல
நீயும் மறந்தா ஆச்சா?

உனை நம்பியே வாழ்கிறேன் - நான்
உறங்காமலே வீழ்கிறேன்

நெசமா நெசமா இது நெசமா?
மனசா மாறும் ஒரு விஷமா?
முழுசா மறந்தா தப்பில்லையா?
நானும் உனக்கு ஒப்பில்லையா?


மனசது மனசது பாரமடி
உன் நினைவில் நான் வாழ்க்கையின் ஓரமடி
சுமந்தேன் நெனப்ப மனசுக்குள்ள
கனம் தாங்காமல் அழுதேன் என்ன சொல்ல

நீ கொஞ்சம் சிரித்தால் போதுமடி
அதில் சுமைதான் குறையும் நான் பேதையடி
உன் நினைவு புயலின் தாக்கத்திலே
நான் பலநாள் தொலைத்தேன் தூக்கத்தையே


நான் விலகிச் செல்லும் போதெல்லாம்
துரத்தி வந்தாய் அது யார் குற்றம்?நான் விருப்பம் சொல்லும் நேரத்தில்
என்னை மறக்க சொல்வது பெருங்குற்றம்

மறப்பதும் வெறுப்பதும் உன் விருப்பம்
ஆனால் என்னை எப்போதும் மறக்காதே
விலகிச் செல்வதும் உன் விருப்பம்
ஆனால் என்னை விட்டு விலகிச் செல்லாதே

Read More

உறவே உயிரே..

உறவே உயிரே... 

 

உறவின் அருமை 

பிரிவில் புரியும் 

உறக்கம் தொலைத்து 

உள்ளம் மருகும் 

உறவின் பிணக்கம்நினைத்தே வருந்தும் 

உனக்கும் உண்டோ இந்த 

பிரிவின் பிதற்றல்,,,,, 

உறவே உறவே 

உன்னைத் தேடும் உன் 

பிரிவே மருந்து நம் 

உறவை உணர

Read More